Lehen Hezkuntzako 1.mailako ikasleak Zientzia Museora egingo dute bisita Irurako taldearekin batera.

Irteeraren helburuetako bat Anoetako eta Irurako ikasleen arteko harremanak sendotzea izango da. 

Museoaren bisita gidatua egiteaz gain, "Giza gorputza" tailerrean ere parte hartuko dute ikasleek. Tailer honetan gure gorputzaren barruan zer dagoen, gure gorputza osatzen duten elementuak zein diren eta zati edo elementu bakoitzaren garrantzia ikusiko dituzte.

Lehen Hezkuntzako 6.mailako ikasleak Zientzia Museora egingo dute bisita Irurako Lehen Hezkuntzako 6.mailako taldearekin batera.

Erakusketa iraunkorra bisitatzeaz gain, "Math mistery box I" eta "Lego Robotika III" tailerretan ere parte hartuko dute. Tailer hauetan ondorengo gaiak landuko dituzte; aritmetika, aljebra, kriptografia eta robotika.

DBH4ko ikasleen Orientazio Programaren barruan, Laskoraingo Ikastolatik etorriko dira Batxilergoaren inguruko aurkezpena egitera.

Zer nolako bidea da Batxilergoa? Zein modalitate daude? Noiz gauzatu behar da aurre-matrikula? ...

Galdera hauei erantzuna eman eta bestelako kezkak argituko dituzte bileran.

Bi saio egingo dituzte: 16:00etan ikasleei zuzendutako saioa izango da eta 17:00etan, berriz, gurasoei zuzendutakoa.

DBH4ko orientazio programaren barruan Tolosako Lanbide Heziketa Azoka bisitatuko dute ikasleek.

Ikastolek eta Esukaltzaindiak "Batasunaren bidean" giza katea antolatu dute euskara batuari gorazarre egiteko.

Errenteria eta Donostia lotuko dituzte 8.000 lagunek osatutako giza kate erraldoi batean, euskara batuak gure herriaren garapenean izan duen balioa azpimarratzeko eta euskara batuaren sorreran bultzatzaile izan zirenak oroitzeko. Ekitaldia Orereta ikastolak sustatu du, eta ikastolen jai guztiek osatzen duten “Ikastolak Herriari” egitasmoak eta Euskaltzaindiak elkarlanean antolatu dute.

Lehen Hezkuntzako 3. mailako ikasleak, Irurako Ikastolako maila berdineko ikaskideekin batera, ikasturte erdiko kidetzea burutzeko helburuarekin Pagoetako Natura Parkera gauzatuko dute egun osoko irteera. 

Aurrerago garatuko duten proiektu batekin lotura zuzena izango duen irteera honetan, ekosistema desberdinetako elementuak aztertzeko aukera izango dute ikasleek, ondoren, gelan landuko den PROIa aberasten lagunduko dietenak. 

Pagoetan bertan, ikertzaile zientifiko bilakatuko dira ikasleak, eta mendi ibilaldi bat gauzatuko dute bertan dagoen ingurunea ikertuz.