Nor gara
Anoetako Herri Ikastola herri ekimenez sortu zen 1969. urtean.
Gure eskaintza 2 urtetik 16 urtera artekoa da. Haur Hezkuntza, Lehen Hezkuntza eta Derrigorrezko Bigarren Hezkuntza eskaintzen dugu.
Anoetako Herri Ikastola Tolosaldeako Anoeta herrian kokatuta dago eta bera da herriko ikastetxe bakarra. Anoetako haur eta gazteez gain, inguruko beste herrietatik ere jasotzen ditugu ikasleak. Irurako Ikastolako ikasleak Anoetako Herri Ikastolara etortzen dira DBH egitera.
Kooperatiba Integrala da Anoetako Herri Ikastola, hau da, bazkide erabiltzaileek (familiek), lan-bazkideek eta bazkide laguntzaileak (Anoetako Udalak) osatuta dago.
Anoetako Herri Ikastola Euskal Herriko Ikastolak Elkarteko (EHI) kide da.
Herriko egoera soziolinguistikoan eragin nahi dugu eta euskal kultura bultzatu. Hori dela eta, herriko kultur-ekintzetan Ikastolaren partaidetza nabaria da, bai antolaketan baita elkarlanean ere: Euskal Jaia, Gau Beltza, Euskararen eguna, Gabonetako kantu eskea, Santa Ageda bezpera, Iñauterietako jaialdia, Anoeta herriko jaietako Danborrada, Hizki-Marrazki ipuin marraztuen lehiaketa, …
Ikastolak herrigintzarekin duen konpromisoa irmoa da. Euskara eta euskal kultura sustatzeko ekintzak ez ezik, ingurumenarekin edo arlo sozialarekin lotutako hainbat proiektu eta egitasmo eramaten ditugu aurrera Udalarekin edota herriko beste eragileekin elkarlanean.
Ikusmira
Garapen pertsonala
Pertsona bere osotasunean garatzea helburu duen eta etengabeko hobekuntzan oinarritutako kalitatezko hezkuntza integrala eskainiko duen eskola izan.
Euskalduna
Euskal eskola, euskara eta euskal kultura bere inguruan indartu eta zabalduko duena.
Komunikazioa eta elkarlana
Hezkuntza komunitateko kide guztion arteko komunikazioa eta elkarlana bultzatuko duena.
Eraldatzailea
Eraldatzailea, gizarte hobe eta bidezkoago baten alde egingo duena, ingurune sozial eta naturalarekiko konprometitua den eskola izan.
Etorkizunari begira
Bere etorkizuna ziurtatuko duen eskola izan.
Zeregina
Heziketa euskalduna eta integrala
Anoetako Herri Ikastola, herri ekimenetik sortutako Kooperatiba; 2 urtetik 16 urtera heziketa euskalduna eta integrala eskaintzen duen eskola.
Irekia
Edonorentzat irekia, desberdintasunak gainditzen ahalegintzen dena eta elkarbizitza errespetuzko jarreretan oinarritzen duena.
Anoeta eta Irura herrietan errotua
Tolosaldean, eta batez ere Anoeta eta Irura herrietan errotua eta era berean Euskal Herriko Ikastolen Elkartearen kide.
Parte hartzailea
Ikastola osatzen dugun hezkuntza komunitateko kide guztion parte hartzea ahalbidetzen duena.
Berrikuntza eta hobekuntza
Etengabeko berrikuntzan eta hobekuntzan jarduten duena, eta ildo horretatik, irakasleriaren etengabeko formazioa ahalbidetzen duena.
Balioak
Euskalduntasuna
Beste kulturekiko irekitasuna
Aniztasunaren ikuspegi positiboa
Norbere eta elkarren zaintza
Ingurune sozial eta naturalarekiko konpromisoa
Elkarlana
Parte hartzea
Egokitze-gaitasuna (moldagarritasuna)
