DBH4ko ikasleen Orientazio Programaren barruan, ikasle ohiak etorriko zaizkigu bisitan, ikasturte honetan Ikastolatik kanpora hasi duten ibilbidea eta beraien esperientzia partekatzera.

Batzuk Lanbide Heziketaren bidea aukeratu dute, besteak berriz Batxilergoa, modalitate desberdinetan.

DBH4ko ikasleek aukera paregabea izango dute beraien zalantzak galdetzeko eta kezkak argitzeko.

Eskerrik asko etortzeko prest azaldu diren ikasle ohi guztiei!

DBH4ko ikasleen Orientazio Programaren barruan, Inmakulada Ikastolatik etorriko dira Lanbide Heziketaren inguruko aurkezpena egitera.

Zer da Lanbide Heziketa? Zein familia eta aukera desberdin daude? Noiz eta nola burutu behar dira praktikak? Noiz gauzatu behar da aurre-matrikula? ...

Galdera hauei erantzuna eman eta bestelako kezkak argituko dituzte bileran.

Bi saio egingo dituzte: 16:00etan ikasleei zuzendutako saioa izango da eta 17:00etan, berriz, gurasoei zuzendutakoa.

LH6ko ikasleek Azoka Solidarioa egingo dute, Elikagaien Bankuari lagundu asmoz.

Azokan ikasleek bildutako jostailu eta bestelakoak aurkituko dituzue salgai. Horrez gain, musika, dantza eta pintxo salmenta ere izango dira azoka girotzeko.  

Ingura zaitezte eta egin zuen ekarpena! Mila esker denoi!