DBH3ko ikasleek Tolosaldeko Mankomunitatearen ekimenez antolatutako tailerretan hartuko dute parte.

EKIN - Hiri hondakinei buruzko kanpainaren helburu nagusia gazteen kontzientziazioa da. Gazte horiek gaur egungo eta etorkizuneko etxeetako hondakinen kudeatzaileak izango direla kontutan hartuz, hondakinak modu egokian sailkatzearen garrantziaz jabetzeko tailer praktikoa da burutuko dutena, dituzten zalantzak argitzeko baliagarria izango zaiena. 

Orientazio akademikoaren programaren baitan, DBH4ko ikasleak Donostiako Tabakaleran egingo den GELA Hezkuntza Azokara egingo dute irteera.

GELA azokaren VII. edizioa izango da aurtengoa eta beraien etorkizun akademiko zein profesionalari buruzko erabakiak hartu behar dituzten ikasleen zalantzak argitzea du helburu.

Lanbide Heziketa Ikastetxe eta Unibertsitate desberdinenak izango dira azokan, haiei buruzko informazioa ikasleen eskura jarriz.

Lehen Hezkuntzako 4.mailako ikasleak Zientzia Museora egingo dute bisita Irurako Lehen Hezkuntzako 4.mailako taldearekin batera.

Erakusketa iraunkorra bisitatzeaz gain, "Naturaren sekretuak" tailerrean ere parte hartuko dute. Tailer honetan ondorengo gaiak landuko dituzte; ura, argia, airea eta material harrigarriak.

Esperimentazioak eta metodo zientifikoak naturako elementu horien propietate harrigarriak ezagutzen lagunduko die ikasleei. Tailerraren edukia ikasgelan lantzen ari diren gaiarekin bat dator "Ura, bizitzaren iturri!".

Lehen Hezkuntzako 5. mailako ikasleek, Irurako maila berdineko ikaskideekin batera, ikasturte erdiko kidetzea burutzeko helburuarekin Pagoetako Natura Parkera gauzatuko dute irteera. 

Inguruneko ikasgaiarekin lotura zuzena dauka irteera honek, izan ere, ekosistema ezberdinak inguratzen dituzten ezaugarriak eta elementuak lantzen aritu baitira ikasleak gela barruan, EKI proiektuaren baitan. 

Anoetako eta Irurako Ikastolako Lehen Hezkuntzako 2. mailako ikasleek elkarrekin egingo dute egun osoko irteera Iruñera, gelan lantzen hasiko diren "Goazen espaziora" gaia baliatuz.

Unibertsoaren hasiera, planetak, izarrak, eguzki sistema...lantzen hasiko diren honetan, Iruñeko planetariora egingo dute bisita.

LH6ko ikasleak Tolosako Laskorain Ikastolara joango dira gaur 2023ko Eskolarteko Bertso Txapelketan parte hartzera.

Aurtengoa XLIII. edizioa izango da eta, ohi bezala, eskualdeka antolatuko da. Bertso Idatzien Eskolartekoan aurrez aurreko saioetara itzuliko gara edizio honetan.

Hauxe izango da egitaraua: