Gelan lantzen ari diren proiektuarekin lotuta LH6ko Anoetako eta Irurako ikasleek elkarrekin egingo dute Ordiziako D`elikatuz interpretazio zentrora bisita.

Elikadura, osasuna eta kontsumo jasangarriaren inguruan "Jan eta jan... baina mugitu" izeneko unitate didaktikoaren lanketa egingo dute bertan. 

Egun osoko irteera izango da.

Anoetako Herri Ikastolak euskara eta euskal kultura indartzeko eta zabaltzeko konpromiso irmoa du. Ildo horretan, Euskal Herriko ohitura zaharrei eustea dugu helburuetako bat.

Urtero bezala, otsailaren 4an, herriko kaleetan zehar kantu eskean ibiliko gara, Santa Ageda bezperako koplak abestuz.

Aurtengoan, larunbata izanik, goizez egingo dugu kantu eskea. Ikastolako aterpean elkartuko gara 09:45ean.

Ikastolako Kirol Batzordeak hiru mendi irteera antolatu ditu ikasturte honetarako. Mendi irteera hauetan, LH 1etik DBH 4ra bitarteko ikasle eta gurasoek har dezakezue parte.

Gaur izango da ikasturteko lehen mendi irteera:

Ibilbidea: Anoeta – Zuloaga Txiki – Hernialde – Anoeta

Elkargunea: 10:00etan, Anoetako plazan.

(Aldez aurretik izena eman behar da)

2022-2023 ikasturtean, HABI hezkuntza proposamen berria martxan jarri dugu.

Ebaluazioa nola ulertzen eta gauzatzen dugun azaltzeko bilera monografikoa antolatu dugu, DBH1eko familiekin batera gaia lantzeko eta izan ditzaketen zalantzak argitzeko.

Badira urte batzuk eskola jazarpenaren aurkako KiVa programa ezarri genuela Anoetako Herri Ikastolan. Programaren lanketa LH1. mailan hasten da, eta horregatik, guretzako oso garrantzitsua da LH1eko familiekin partekatzea KiVa programa zer den, ikasleekin zer landuko den eta nola landuko den, ...

Horregatik, KiVa programaren aurkezpen saioa antolatu dugu bereziki LH1eko familientzat:

Eguna: otsailak 6

Ordua: 17:15ean (euskaraz eta gazteleraz, aldi bereko itzulpen sistema erabiliz)

Lehen Hezkuntzako 1. mailako ikasleek egun osoko irteera egingo dute Zestoara, gelan landuko duten "Lehen Gizakiak" gaiarekin lotuz. 

Hori dela eta, Ekain-berrira egingo dute bisita.