Anoetako Herri Ikastolaren marko pedagogikoa Konfiantzaren Pedagogia izanik, konfiantzazko testuinguruak eskaintzen ditugu irakaskuntza-ikaskuntza prozesua era egokian gerta dadin, gaztetxoak bere buruarengan eta besteengan konfinatza izan dezan eta modu horretan berezkoak dituen gaitasunak garatu ditzan.
Derrigorrezko Bigarren Hezkuntza (DBH) 12-16 urteko gaztetxoak hartzen dituen etapa da. Adin tarte honetan ikasleekiko begirada hurbila ardatz hartuta, norbera izaten ikastea eta besteekin elkarbizitzen ikastea dira gure oinarriak metodologian.
Irudia: Norma Mortenson
Metodologia
Ikasketa prozesuak konpetentzietan oinarrituta izan behar duela ulertzen dugu, eta horregatik, Ikastolen Elkarteak garatutako EKI proiektua da gure lan tresna nagusia. Bizitzako egoerei aurre egiten dien pertsona konpetentea hezteko, ikaslea egoera konplexu eta esanguratsuei irtenbideak bilatzen jartzen dugu. Aurretik dakienaz gain, ikasleak ezagutza berriak eskuratzen ditu eta horietan trebatzen da. Azkenik, ikasi eta barneratu duen hori guztia modu integratuan mobilizatzen du, egoerari irtenbidea emateko. Honi Integrazioaren Pedagogia deitzen zaio eta 12-16 urte bitarteko etapa honetan lantzen dugu.
EKI
Familia-egoera ahalik eta errealenei erantzunez, ikasleek konpetentzia guztien garapenerako sortutako proiektua da, euskal curriculumean oinarritutakoa.
Ikasteko Irakurri
Testuen ulermen egokirako eta irakurketa sakonagoa lortze aldera bideratutako programa da.
Ikaskuntza Kooperatiboa
Taldean lan egiten ikasteko programa da. Horretarako beharrezko diren gizarte-trebeziak garatuz, bakoitzak bere erantzukizuna izanik eta euren lanaren balorazioak eginez.
