Martxoaren 18tik 20ra bitartean, Anoetako Herri Ikastolako Pedagogia eta Zuzendaritza Taldeko hainbat kidek Madrilera bisita pedagogikoa egin dute
Martxoaren 18tik 20ra bitartean, Anoetako Herri Ikastolako Pedagogia eta Zuzendaritza Taldeko hainbat kidek Madrilera bisita pedagogikoa egin dute
Bidaia aprobetxatzeko une egokia izan da, izan ere, gure ikastolan zubia zegoen bitartean, Madrilen lanegunak ziren; horri esker, gure eguneroko jarduerari ahalik eta eragin txikiena eginez, bertako eskolak martxan ikusteko aukera izan dugu, bai ikasleen bai irakasleen egunerokoan murgilduta.
Bisitan hiru ikastetxe ezagutzeko aukera izan dugu: Hermanos Amorós, Ideo eta Padre Piquer. Ikastetxe bakoitzean hezkuntza-proiektu interesgarriak eta berritzaileak ezagutzeaz gain, antolaketa, metodologia eta espazioen erabileran egiten ari diren eraldaketak gertutik ikusi ahal izan ditugu.
Bidaia oso aberasgarria izan da. Batetik, baieztatu dugu Euskal Herritik kanpo ere badirela gure antzeko eraldaketa prozesuetan murgilduta dauden ikastetxeak. Bestetik, etapa desberdinetarako ideia eta praktika berriak jasotzeko aukera izan dugu, gure ikastolan aurrera begira aplikatzeko baliagarriak izango direnak.
Esperientzia honek, zalantzarik gabe, gure hezkuntza proiektuaren garapenean ekarpen baliotsuak egingo ditu.
