Atal berriak eta diseinu erakargarria erabiltzaileen beharretara egokitzeko
Joan den ikasturtean hasi genuen Ikastolako webgunea berritzeko prozesua.
Komunitatea osatzen dugun guztioi gure iritzia galdetzea izan zen lehen urratsa: webguneko zein eduki bisitatzen dugun gehien, zein maiztasunez, zein atal berri eranstea nahiko genukeen, ... moduko galderaz osatutako galdetegia pasa genuen.
Ondoren,erabiltzaileen iritzia kontuan hartuz, webgune berriaren diseinuari ekin genion: atalak, testuak, estetika,...
Aste honetan argitaratu dugu webgune berria betiko helbidean, www.anoetakoherriikastola.eus
Orri nagusian agenda, argazki bildumak eta albisteak topatuko dituzue. Baina horrez gain, menu nagusietan beste atal interesgarriak dituzue eskura:
- Ikastola: ikastolaren aurkezpena, historia eta lan-taldearen aurkezpena biltzen dituen atala.
- Egitasmo Pedagogikoa: ikastolaren Hezkuntza Proiektuari eta beste hainbat proiekturi buruzko informazioa biltzen duen atala.
- Hezkuntza Eskaintza: Ikastolako hezkuntza etapa bakoitzari buruzko informazioa biltzen duen atala (HH, LH eta DBH).
- Zerbitzuak: Jangela, Guraso Eskola edo Goiz Txokoari buruzko informazioa. Kirol eskaintzako atalean asteburuko ekintzen informazio eguneratua emango da.
- Eraldaketa: Ikastolan bizitzen ari garen eraldaketa pedagogikoaren inguruko informazioa biltzen duen atala da, idatzikoa nahiz ikus-entzunezkoa.
Espero dugu webgune berria zuen gustukoa izatea, eta batez ere, guztiontzako erabilgarri eta baliagarria.
Animatu eta bisita itzazue atal eta txoko guztiak!
