Udalaren gonbidapenari erantzunez, aiton-amonei zuzendutako kanpaina abian da
Aste honetan Ttipi Ttapa egitasmoan parte hartzen hasi da Ikastola. Ttipi-ttapa Anoetako Gizarte Zerbitzuetatik 65 urtetik gorako pertsonei bideraturiko egitasmoa da eta hilero lehenengo asteko asteazkenetan burutzen da. Horren helburua adinekoek ariketa fisikoa egiten dezaten bultzatzea da, baita elkarren arteko harremanak sendotzea ere. Horretarako, herrian zehar ibilaldiak antolatzen dira eta amaieran hamaiketakoa eskaintzen da.
Ikasturte honetako Ttipi-ttapa saioetan DBH3ko ikasleek hartuko dute parte, laguntzaile moduan. Ikasleak zazpiko taldetan antolatu dira eta talde bakoitzak saio batean hartuko du parte. Lehenengo taldeak aurreko abenduaren 14ko saioan hartu zuen parte.
Udaletik ekimen honetan parte hartzeko gonbidapenari erantzunez, gure ikasleek ondoko aktibitateak egingo dituzte:
-
Ingurukoekin kanpaina egin. Beraien gertuko adinekoak (aiton-amonak, izeba-osabak, bizilagunak…) ekimenean parte hartzera gonbidatuko dituzte.
-
Ibilaldian zehar lagundu. Behar duenari besoa eskaini, arrisku puntuaz (koxkak, zuloak) ohartarazi, solasa sustatu, zehaztutako ibilbidea gogorarazi, ...
-
Hamaiketakoa zerbitzatzen lagundu.
Herriarekin lankidetza eta gizartearekin konpromisoari erantzun nahian, gure ikasleentzako esperientzia aberatsa izatea espero dugu.
