DBH3koek Berazubi stadiumean atletismo jarduerak eta DBH4koek Ferialean boleibolekoak aurrera eraman dituzte
![Ikasleak Ferialean boleibol praktikatzen](/sites/default/files/styles/wide/public/albisteak/2024-05/IMG20240521111959.jpg?itok=6ZjcFZdq)
Gorputz Heziketako saioak Tolosan burutu ditugu gaurko egunez. DBH3koek Ikastolan landutako atletismoko modalitate ezberdinak (400m., jauzia, pisu jaurtiketa, 80 m., hesiak eta erreleboak) beste inguru batean konpetentzia modura landu dituzte. Modalitate ezberdinetan banaturik, goiza Berazubiko stadiumean eman dute.
DBH4koek, aldiz, landutako boleibol kirola Tolosako Ferialean hondarrezko pistetan landu dute. Kirol horren konpetentziarako prestatutako jarduna izan da bertan landu dena eta horretarako DBH4ko bi gelen artean taldeak eginez, txapelketa antolatu dugu.