Tolosako Titirijai jaialdiaren ikuskizunetan izan ziren gure ikasleak

Pasa den asteazkenean, azaroak 29, LH3-4-5-6ko ikasleek irteera izan zuten Titirijai jaialdiaren baitan. Goizeko lehen emanaldian, Zaches konpainia italiarraren Cenicienta ikuskizuna izan zuten Leidorren. Bigarren emanaldian berriz, Maribor konpainia esloveniarraren Pinocchio izan zuten ikusgai Topicen. Txotxongiloen munduan erabiltzen diren teknika ezberdinak ezagutzeaz gain, ipuin tradizionalen bertsio berritzaileenez gozatzeko parada izan zuten ikasleek. Eguna borobiltzeko, guztiek elkarrekin bazkaldu zuten Zerkausian eta jolasean aritu ziren.