Ikasturte honetan zehar IDUren pilotajean parte hartu dugu DBH1eko hiru irakasgaitan, Natur Zientziak, Gizarte eta Euskaran, hain justu. Maiatzaren 13an izan genuen azken saioa online, eta Carmen Alba adituaren hitzaldia jarraitu ahal izan genuen. IDUren ardatz nagusia gelan dugun aniztasuna aintzat hartzea eta horri erantzun bat ematea da. Horretarako egokitutako jarduerak gelaratu eta ikasleekin landu ditugu, beti ere bakoitzari bere helburuak bete ditzan lagundu asmoz.
