2026-2027 ikasturtean, "Etorri Euskarara!" egitasmoa abiatu da euskara ez dakiten gurasoei oinarrizko ulermena ziurtatzeko, udalaren, UEMAren, AEKren eta Ikastolaren elkarlanari esker
2026-2027 ikasturtean, "Etorri Euskarara!" egitasmoa abiatu da euskara ez dakiten gurasoei oinarrizko ulermena ziurtatzeko, udalaren, UEMAren, AEKren eta Ikastolaren elkarlanari esker
2026-2027 ikasturtean, Etorri Euskarara! egitasmoa jarri da martxan, Euskara eta Kulturartekotasuna programaren barruan, Udalaren, UEMAren, AEKren eta Ikastolaren arteko elkarlanari esker.
Ekimen horren helburua euskararik ez dakiten gurasoak euskarara hurbiltzea, oinarrizko
ulermena sustatzea eta gure hizkuntzarekiko lehen urratsak ematen laguntzea da. Horrela, familien artean euskararen erabilera eta kulturarteko harremanak indartu nahi dira. Urrian hasi ziren euskara eskolak, eta guztira 10 lagunek eman dute izena. Ikastaroa guztiz doakoa da parte-hartzaileentzat, Udalak bere gain hartzen baitu ikasle bakoitzaren kostuaren %100.
Euskara ikasteko eta gure hizkuntzara hurbiltzeko aukera ederra da, elkar ezagutzen,
hizkuntza oztopoak gainditzen eta ikastolako komunitatea indartzen jarraitzeko!
