Telefono kabina berreskuratu eta Ikastolaren patioan kokatuta, bertan euskaraz idatzitako liburuak ikasle eta herritarren eskura jarri dira
Telefono kabina berreskuratu eta Ikastolaren patioan kokatuta, bertan euskaraz idatzitako liburuak ikasle eta herritarren eskura jarri dira
Ikasturte honetan kanpoko telefono kabina atondu eta martxan jarri dugu. Herriko kabina zaharra berreskuratu genuen iaz, eta ikasleek garbitu ederra eman zioten, urte luzez biltegian izan eta gero. Gero, patioan kokatuta, apaletegiak jarri eta liburuz atondu dugu, irakurzaletasuna aisi eremura zabaltzeko. Bertatik liburuak har daitezke, baita etxera eraman ere, gero berriz bueltan ekarriz gero. Etxean dauzkagun liburuak ere ekar ditzakegu liburutegira. Tarteka liburuak berritu eta txukundu egingo dugu. Denon lana da kabinari funtzionamendu egokia ematea. Jakin, ikasle eta bertaratzen diren guztientzat dela eta denon artean zaindu beharrekoa.
Ikasleek jakin beharreko erabilpen arauak hauek dira:
· Liburu/aldizkariak zaindu eta txukun mantendu.
· Liburuak har daitezke momentuan irakurtzeko zein etxera eramateko, gero bueltatzekotan.
· Etxetik ere ekar daitezke berriak eta bertan utzi.
· Kabina barruan ezin da jan.
· Besterik?...
Ea irakurzaletasunari bultzadatxo bat ematen diogun denon artean.
