BAT saioen barruan injustizia egoerak aurrez aurre ezagutzeko aukera izan dute, segidan konpromiso zehatzak hartzeko asmoz
BAT saioen barruan injustizia egoerak aurrez aurre ezagutzeko aukera izan dute, segidan konpromiso zehatzak hartzeko asmoz
DBH1eko gure ikasleak BAT saioetan Giza Eskubideen inguruko lanketa egiten aritu dira: Giza Eskubideen Aitortza Unibertsala ezagutu; hainbat giza eskubide ulertu; mundu mailan zein gure inguruan ematen diren giza eskubideen urraketak, injustizia egoerak… identifikatu.
Horren harira, Amaia Agirreren, Ibon Aginagaren eta Manu Odriozolaren bisita izan dute. Beren testigantzak entzun eta beraiekin solasean aritu ondoren, ikasle bakoitzak bere hausnarketa, gustuko ideiak, atentzioa emandako bizipenak, emozioak, sentipenak… biltzeko aukera izan du.
Orain, injustizia egoera horien aurrean beraien konpromisoa hartzea geratzen zaie. Norbanakoak zein taldeak giza eskubideen urraketen inguruan kontzientzia pizteko zer egin dezaketen zehaztu eta gauzatzea, hain zuzen ere.
