Anoetako Herri Ikastolak X-a sarea uzteko erabakia hartu du

Azken urteotan, X plataformak hartu duen norabideak gure balio etiko eta demokratikoekin talka egin du. Informazioaren kalitate eta egiatasun faltak, desinformazioaren gorakadak, eta espazio horretan ematen ari den gorroto-diskurtsoaren hazkundeak kezka sortzen digu. Horrez gain, erabiltzaileen pribatutasunari eta datuen kudeaketari dagokionez, plataforma honen jokabidea ez dator bat gure printzipioekin.

Era berean, Ikastolen Elkarteko 7. Batzarrean burujabetza demokratikorako bidea jorratzeko hartu zuen konpromisoari jarraikiz, uste dugu urrats hau naturala eta beharrezkoa dela gure komunitatea modu autonomoan eta arduratsuan indartzeko. Horri lotuta, komunitateari egokitutako komunikazio-bideak lehenesten ari gara, eta alternatiba egokiagoak aztertzen ere bai. 

Gehiago irakurri