Anoetako kontsumo ohitura eta jokabide desegokiak landu dituzte LH5eko ikasleek

Aste honetako astelehenean, hilak 11, LH5 mailako ikasleek Auzotik munduari PrOIari itxiera emateko auzolana gauzatu dute. Bertan, udaleko brigadakoen laguntzaz, plaza, parkea eta frontoia garbitzen aritu dira. Ekimenaren bidez, beren ekarpena egin nahi izan diote Anoetako herriari, eta horrez gain, gure kontsumo ohiturek eta jokabide desegokiek inguru naturalean eragiten dituzten kalteen inguruko kontzientzia piztu zaie. PrOIari amaiera emateko, herriko plazan ikusi duten hori gelaz gela aurkeztuko dute eta denei beren aletxoa jartzeko eskatuko zaie hondakinen kudeaketan.