Gaztezulo aldizkaria banatzen hasi gara DBH4. mailako ikasleen artean

Irakurriz Gozatu ekimenaren bitartez, euskarazko irakurzaletasuna eta aisialdian euskarazko produktuen erabilera bultzatu nahi da Anoeta eta Irurako gazteen artean. Proeiktuak bi euskarri ditu: Gaztezulo aldizkaria eta Beitu! plataforma digitala. 

Gaztezulo gazteei zuzendutako erreferentziazko euskarazko aldizkaria da. 20 urte baino gehiagoko ibilbidearekin.

Beitu! 14-18 urte bitarteko gazteei zuzenduriko plataforma digitala da, aisialdian ohartu gabe euskarazko eduki arinak kontsumitu ditzaten.

Urteak badira Anoetako Herri Ikastolak ekimen horretan parte hartzen duela eta aurten bai aldizkaria bost hilabetez doan jasotzeko,  bai  plataforma digitalean aritzekoa aukera izango da. Nahi duenak, apiriletik aurrera harpidetza egiteko aukera izango du.