Urriaren 20tik azaroaren 9ra eskaerak egiteko aukera izango dugu
Egunetik egunera gero eta zabalagoa den komunitate batek ematen dio gorputza ekimenari; ilusioz eta anbizioz ari den herritar, nekazari, ekoizle, euskaltzale eta kontsumitzaileez osatutako sare anitz batek.
Udazkenetako kanpaina da Nafar hegoaldeko uzta euskarari puzka: Nafarroa hegoalde eta erdialde-ko produktuz osatutako saskiak milaka etxetara eraman nahi ditugu, eta, auzolanari esker, bertako euskalgintzari ekarpen-ekonomiko garrantzitsua egiten zaio (saski bakoitzaren balioaren %25). Ekarpen hori ezinbestekoa da zonaldeko ikastolentzat eta AEK-ren euskaltegientzat, baita sare publikoan D eredua sustatzeko dinamikentzat ere.
Saskia 50€ : 5 produktu tipikoak denetan izango dira (zainzuriak, piperrak orburuak gozo bat eta ardoa) gainontzeko 4 produktuak desberdinak eta sorpresazkoak. Aurtengo kanpainaren eskaerak on-line egin behar dira, esteka honi jarraituz https://www.errigora.eus/kanpaina/euskarari-puzka-2023 . Eskaera egiterakoan, Anoetako Herri Ikastola aukeratu ezazu banaketa-gune gisa.
