Ttipi-ttapa proiektuari DBH3koek bukaera eman diote

Anoetako Gizarte Zerbitzuek 65 urtetik gorako pertsonei bideraturiko Ttipi-ttapa ekimena martxan jarri zuten. Egitasmo honen helburua ariketa fisikoa egitera bultzatu eta elkarren arteko harremanak sustatzea izan da. Horretarako, hilero Anoetan barrena paseoak antolatu dira eta paseo bukaeran hamaiketakoa eskaini da. 

Gure DBH3ko ikasleek egitasmoan parte hartu dute, ibilbidean zehar adineko pertsonei lagunduz, hamaiketakoa zerbitzatuz eta bilduz. Belaunaldien artean sortutako giroa benetan aberatsa izan da. Horregatik, datorren ikasturtean ere Ttipi-ttapan parte hartzen jarraituko dugu.