LH6ko ikasleek Azoka Solidarioaren proiektua aurrera eraman dute

Gaur arratsaldean, martxoaren 31n, Azoka Solidarioa antolatu dute LH6 mailako ikasleek Elikagaien Bankuari lagundu asmoz.

Elikagaien bankua borondatezko izaera duen elkartea da. Alferrik galdu edo botatzen diren eliagaiei etekina ateratzea du helburu, horiek premia duten pertsonei helaraziz.

Anoetako eta Irurako udalek hitzarmena sinatua dute Elikagaien Bankuarekin eta hilabetero elikagai sorta batzuk banatzen dira. Guztira, 31 familia onuradun dira bi herrien artean.

Azokan ikasleen ekarpenez bildutako jostailu eta bestelakoak jarri dituzte salgai. Horrez gain, musika, dantza eta pintxo salmenta ere izan dituzte azoka girotzeko.