Ugaldutako tokiko haziekin eta garatutako proiektuarekin egin dute ekarpena Baratze Tailerreko ikasleek
2015ean Landaolak, Cristina Enea Fundazioak eta Ingurugelak nekazal kultura eskoletara proiektua bultzatu zuen.
Proiektuaren helburu nagusienak:
- Gipuzkoako ikastetxeetan nekazaritza, elikadura eta lurraldegaien inguruko hausnarketa sustatzea.
- Gure herrietan oraindik ere kontserbatzen diren tokiko hazien barietateak bilatzea.
- Horietako hazi batzuk eskola-baratzean ugaltzea.
Proiektu honen barruan, 2019az geroztik, Eskolen Arteko Hazi Sarea jarri zuten martxan, eskoletako baratzeetan ugaltzen diren tokiko haziak ezagutzera emateko, kontserbatzeko eta trukatzeko asmoz.
Anoetako Herri Ikastolako DBH 3-4 mailetako baratze tailerreko ikasleek hartzen dute
parte hazien sare horretan. Hori dela eta, ikasleek aste honetan gurera iritsi den Maleta ibiltaria osatzeko ardura hartu dute.
Maleta ibiltariaren helburua, ikasleek baratzean garatu dituzten hainbat esperientzia, ikaskuntza, proiektu eta ugaldutako tokiko hainbat hazi ere, sareko beste eskolekin partekatzea da.
