Eguraldia lagun izan dugula Ikastola osatzen dugun guztiok kantari aritu gara
Anoetako Herri Ikastola osatzen dugun ikasle, guraso eta irakasleak Eguberrietako usadioari tartea egin diogu eta Anoeta eta Irurako kale eta plazak alaitu ditugu. Gabon kantak gogoz entzun dira gure ikasle gazte eta zaharrenengandik. Kalejiran ikasle gazteenen familiakoak ere elkartu zaizkigu eta denok elkarrekin gurea den ospakizuna ahalik eta alaien ospatu dugu.
Azpimarra berezia egin nahi diogu goiz osoan zehar ikasle musikariek egindako lan bikainari: txistulari, trikitilari eta gainontzeko musikariei eskerrik asko!
Ikastola osatzen dugun guztion partetik Zorionak eta etxeko epelean denok elkarrekin festa alaiak izan ditzazuela.
Argazkiak hemen
