Atzoko egunez, Anoetako Herri Ikastolak Ohiko Batzarra gauzatu zuen. Ikastolako zuzendariak eta lehendakariak eraman zuten aurrera. Honako gaiak landu ziren: 2020-2021 ekitaldiko jarduera ekonomikoari oniritzia; hurrengo lau ikasturteetako plan estrategikoaren aurkezpena eta onespena, eta berritasun modura, Anoetako Herri Ikastolak Guraso Kooperatiba izatetik Kooperatiba Integrala izateko onarpena. Anoetako Udalari eta batzorde ezberdinetan lanean aritutako gurasoei eskerrak eman zitzaizkien.
