Urriaren 23an hasi zen eta azaroaren 11ra arte luzatuko da “Nafar hegoaldeko uzta euskarari puzka” kanpainaren 2021eko edizioa. Urtero bezala, data hauen artean Nafarroa hegoaldeko produktu bikainez osatutako saskiak eskatu ahal izango dira. Aurtengo kanpainan 3 saski izango dira aukeran: beltza, berdea (ekologikoa) eta zuria.
Saski hauek erostean, hartu ez ezik, eman ere egingo duzu. Izan ere, saskiek dakartzaten produktuez gozatzeaz gain bertako ekoizpenari bultzada emango diozu, eta bestetik, saski bakoitzaren balioaren %25 Nafarroa erdi eta hegoaldeko eta erdialdeko euskalgintzari emango diozu.
Kanpainaren eta saski bakoitzaren inguruko informazio zehatzagoa ondorengo estekan aurkituko duzue.
Eskaerak egiteko bi bide aukeran:
- Eskaera on-line egitea, esteka honi jarraituz https://www.errigora.eus/ . Eskaera egiterakoan, Anoetako Herri Ikastola aukeratu ezazu banaketa-gune gisa.
- Eskaera Ikastolaren bitartez egitea. Horretarako, bete ezazu ondorengo galdetegia . Epea azaroaren 11n amaituko da.
Animatu eta bultza diezaiogun euskarari!!!
