HH1etik LH4ra bitarte ezarriko da Baso Eskolaren baliabide pedagogikoa. Aurreko ikasturtean hainbat pilotaje eta irteera egin eta gero, hezkuntza-eredu horri tokia egingo zaio Anoetako Herri Ikastolan. Gure ikasleek basoan edo ingurune natural batean jolastu, ikertu eta ikasten dute eta irakasleek behatzaile papera jokatzen dute bertan, haurrak lagunduz baina ez gidatuz. Haurraren garapen integralean eragin nahi izateaz gain, natura eta bioaniztasunarekiko kontzientzia hartzen laguntzea dira helburuak. Antolaketarako txandak izango dira. Berriro ere, Anoetako udalari eskerrak eman proiektu honekiko azaldutako babesa dela eta.
