Astelehenean, martxoaren 8an, Emakumeen Nazioarteko eguna ospatu zen eta Ikastolan ere gai horren inguruko lanketa egiteko aukera izan dugu. HHn Porrotxen Gona gorria bideoklipa erabili dute hausnarketarako; LH 1 eta 2n Doraemoenen kapitulu bat ikusi eta nesken eta mutilen rolak aztertu dituzte; LH 3 eta 4n gizonezkoek eta emakumezkoek izaten dituzten lanbideen inguruan aritu dira eta LH 5 eta 6n aurkezpen bat prestatu dute 13 emakume ospetsuei buruz. DBHn, aldiz, gaur arratsaldean hainbat pelikula ikusiko dituzte, mailaka: Quiero ser como Beckham, Mustang, Figuras ocultas eta Las sufragistas. Ondoren, datorren asteko Tutoretza saioan, ikusitako pelikulen inguruko hausnarketa eta lanketa egingo dute.
