Anoetako Herri Ikastolak bere komunitateko kidei, egun ikasleek duten ordutegiari buruz galdetegia martxan jarriko du. Azkeneko ikasturte hauetan gaiak izan du bere tokia Ikastolaren gune ezberdinetan eta azken honetan hain zuzen ere batzorde bat eratzea eta gaiari heltzea erabaki da. Batzordeak begi onez ikusi du galdetegia pasatzea eta hori da ondorengo astean, otsailaren 22tik martxoaren 1a arte, ikasle, irakasle eta familiei pasako zaiena. Etapa ezberdinetako Ikuspuntuak jasoko dira eta Ikastolaren Gestio Batzordeak izango du zabalduko den prozesuaren bukaeran ordutegian moldaketak egin ala ez egiteko eskumena. Erantzunez gain, administrazioaren arauak, gure ikaskuntza-irakaskuntza prozesuaren kalitatezko izaera eta barneko koordinazioa kontutan hartu beharreko aspektuak izango dira.
