Eusko Jaurlaritzako Osasun eta Hezkuntza Sailak erabakita, 15 egunez ikastetxe guztien eskola- jarduera presentziala aldi baterako etengo da. Beraz, ikasleek ezingo dute Ikastolara etorri baina etxean lan-ohiturekin jarraitu beharko dute, irakasleek proposatutako lanak egiten. Egunero ikasteko ohiturari eutsi diezaioten, datozen egunetarako aurreikusi dugun antolaketa zehazten duen dokumentua duzue atxikiturik. Era berean, Eusko Jaurlaritzaren gutuna ere zintzilikatu dugu eskuragarri izan dezazuen.
Egunetik egunera egoera aldatu daitekeenez, etengabeko komunikazioa mantenduko dugu zuekin, eguneratuta egote aldera. Horretarako Alexia kanala erabiltzen jarraituko dugu.
