Besteak beste abenduan egin genuen Batzar Orokorrean aurreratu genuen bezala, EHIk adierazi du Euskal Herriko Ikastolen VII. Batzarra abian jartzeko asmoa.VII. Batzarra eztabaida eta gogoeta prozesu sakona izango da eta Ikastolok datozen 10 urteetan jarraitu beharreko ildoak zehaztea izango du helburu.Gogoeta eta eztabaida prozesu hau arrakastatsua izan dadin, Ikastolen mugimenduaren parte-hartze zabala izango da gakoa, eta ezinbestekoa izango da Ikastoletako hezkuntza komunitatearen inplikazioa. Gogoeta sakona eta parte hartzailea izatea beharrezkoa da.
EHIk metodologia eta kronograma diseinatu ditu VII. Batzarraren prozesua abian jartzeko. Eta helburu berarekin, ikastola bakoitzari eztabaida aurrera eramateko dinamizatzaile bat izendatzeko eskatu dio. Otsailaren 10erako eduki behar du Ikastola bakoitzak bere dinamizatzailea izendatuta.
