"Berdean heztea: Natura, ikasteko gune gisa" hitzaldia
"Berdean heztea: Natura, ikasteko gune gisa" izenburupean Heike Freirek hitzaldia eskainiko du Anoetako Herri Ikastolan.
Eski-irteera, LH6tik DBH4ra arteko ikasleentzat
Ikastolako ezohiko kirol eskaintzaren barruan eski alpinoko irteera antolatu dugu, LH6tik gorako Anoetako Herri Ikastola eta Irurako Ikastolako ikasleentzat.
Eski-irteera martxoaren 18 eta 19an izango da.
LH6, DBH1 eta DBH2ko ikasleek Arette eski-estaziora egingo dute irteera.
DBH3 eta DBH4ko ikasleek, berriz, Saint Lary-Soulan eski-estaziora.
Mendi irteera, LH1etik aurrerakoentzat
Ikastolako Kirol Batzordeak hiru mendi irteera antolatu ditu ikasturte honetarako. Mendi irteera hauetan, LH 1etik DBH 4ra bitarteko ikasle eta gurasoek har dezakezue parte.
Gaur izango da ikasturteko bigarren mendi irteera:
Ibilbidea: Anoeta – Axibar Baserria – Anoeta
Elkargunea: 10:00etan, Anoetako plazan.
(Aldez aurretik izena eman behar da)
DBH4ko ikasleek GELA Hezkuntzaren Azokari bisita egin diote
Ikasle zaharrenek aukera akademiko eta profesional ezberdinak ezagutu dituzte
"Maleta ibiltaria" Anoetako Herri Ikastolara iritsi da
Ugaldutako tokiko haziekin eta garatutako proiektuarekin egin dute ekarpena Baratze Tailerreko ikasleek
LH2ko ikasleak Iruñeko Planetariumean izan dira
Unibertsoaren Ezagutza gaiari hasiera emateko aukera egokiaz baliatu dira
Hizkuntzaren Lanketa Integralaren mintegia Ikastolan
Gure ikasleen euskararen maila akademikoa hobetzeko formakuntza jasotzen ari gara
DBH 3, EKIN - Hiri hondakinei buruzko birziklapen kanpaina
DBH3ko ikasleek Tolosaldeko Mankomunitatearen ekimenez antolatutako tailerretan hartuko dute parte.
EKIN - Hiri hondakinei buruzko kanpainaren helburu nagusia gazteen kontzientziazioa da. Gazte horiek gaur egungo eta etorkizuneko etxeetako hondakinen kudeatzaileak izango direla kontutan hartuz, hondakinak modu egokian sailkatzearen garrantziaz jabetzeko tailer praktikoa da burutuko dutena, dituzten zalantzak argitzeko baliagarria izango zaiena.
DBH 4, GELA Hezkuntza Azoka (Donostia)
Orientazio akademikoaren programaren baitan, DBH4ko ikasleak Donostiako Tabakaleran egingo den GELA Hezkuntza Azokara egingo dute irteera.
GELA azokaren VII. edizioa izango da aurtengoa eta beraien etorkizun akademiko zein profesionalari buruzko erabakiak hartu behar dituzten ikasleen zalantzak argitzea du helburu.
Lanbide Heziketa Ikastetxe eta Unibertsitate desberdinenak izango dira azokan, haiei buruzko informazioa ikasleen eskura jarriz.
LH 4, Zientzia Museoa
Lehen Hezkuntzako 4.mailako ikasleak Zientzia Museora egingo dute bisita Irurako Lehen Hezkuntzako 4.mailako taldearekin batera.
Erakusketa iraunkorra bisitatzeaz gain, "Naturaren sekretuak" tailerrean ere parte hartuko dute. Tailer honetan ondorengo gaiak landuko dituzte; ura, argia, airea eta material harrigarriak.
Esperimentazioak eta metodo zientifikoak naturako elementu horien propietate harrigarriak ezagutzen lagunduko die ikasleei. Tailerraren edukia ikasgelan lantzen ari diren gaiarekin bat dator "Ura, bizitzaren iturri!".