Harreman osasuntsu, berdinzale eta errespetuzkoak sustatzea, eta sexu heziketa integrala lantzea da helburua
Harreman osasuntsu, berdinzale eta errespetuzkoak sustatzea, eta sexu heziketa integrala lantzea da helburua
Egun hauetan ikastolan burutzen ari garen tailerrak, hezkidetza eta sexu heziketa helburu duen programa zabal baten parte dira. Maila desberdinetan, haurren errealitatea kontuan izanda eta haien beharretara egokituta, helburu nagusiarekin lotutako gai desberdinak lantzen dituen programa da. Aste hauetan, Lehen Hezkuntzako 2., 4., 6 mailak eta Bigarren Hezkuntzako 1. mailetan egingo dira saioak.
2. mailan sexu aniztasuna landuko da, gehien bat jolasen bitartez.
4. mailan. gorputza, autoestima eta emozioak izango dira hizpide
6. mailan sexualitatearen kontzeptu zabala eta pubertaroko aldaketak izango dira gai nagusia.
1. DBHn lagunen arteko harremanak eta sare sozialek hauengan nola eragiten duten aztertuko da.
