Bi egunez Anoeta eta Irurako gizarte langileak eta Kalexka talde psikosozialaren koordinatzailearen eskutik formazioa jaso dugu
Bi egunez Anoeta eta Irurako gizarte langileak eta Kalexka talde psikosozialaren koordinatzailearen eskutik formazioa jaso dugu
Saioak Ikastolaren Lizarbakar aretoan izan dira bi egunez. Lehenengoan adingabeei aplikatutako biolentzia kontzeptua (beren eskubideak eta ongizatea kentzen dizkien ekintza, ez-egite edo tratu arduragabe oro) argitu eta egun dugun legeak zein aspektu azpimarratzen dituen (sentsibilizazio, prebentzio-neurriak, detekzio goiztiarra, babesa eta kaltearen erreparazioa) azaldu zizkiguten adituek.
Bigarrengoan aldiz, beste eragileen artean Ikastolak duen garrantzia prebentzio eta lanketan azpimarratu zen. Segidan jakinarazpenak duen garrantziaz aritu ziren adituek, hori baita modu bakarra eskuhartzea martxan jartzeko eta hori lehenbailehen egiten bada, prozesuari bere helburura ailegatzeko aukerak ere handitzen zaizkiola esan zen. Behin eta berriro aipatu zuten denon aldetik begirada aldaketa eskatzen duela prozesuak, epai eta iritzi sortatik atera eta familientzat laguntza eta akonpainamendurako bidea izan dadin, alegia.
