“Gure haurrak ere badira” elkarteak egindako deialdiarekin bat egin dugu

Genozidioak darrai.

Hitzik gabe geratzen ari gara eta argi dugu Euskal Herriko hezkuntza komunitateak Palestinan egiten ari direna bere erraietan sentitzen duela. Mina egunerokoa bihurtu da eta ezintasun sakona sentitzen dugu. Aski da! oihukatu nahi dugu. Horregatik hain zuzen ere, ez da besoak jaisteko unea, saiakerak biderkatu behar ditugu, oihukatzen jarraitu behar dugu.
 

Palestinarrek egunero pairatzen dutenaren aurrean, haien erresilientzia eta erresistentzia izugarria da. Haiek ez badute amore ematen, nola etsiko dugu guk? 

Ikasturte berri honetan indartsu aterako gara berriz ere, ikastetxeko patio eta kaletara. Eraildako 20.000tik gorako ume horien memorian eta egunero genozidioa pairatzen ari direnak ahaztu barik.

 Horretarako, Palestinako herriari elkartasuna adierazi eta bertan gertatzen ari dengenozidioa gelditzeko eskatzeko elkarteratzeak egingo ditugu. ostegunetan ikastolako aterpean arratsaldeko 17:00etan elkarrekin egingo dugun elkarteratzean parte hartzera animatzen zaituztegu.

Bertan elkar ikusiko dugulakoan,

ANOETAKO HERRI IKASTOLAKO KONTZEILU ERREKTOREA ETA ZUZENDARITZA TALDEA