Goizean tartea egin dugu Emakumearen Egunaren aldarri eta berdintasun mezuak landu eta zabaltzeko
Goizean tartea egin dugu Emakumearen Egunaren aldarri eta berdintasun mezuak landu eta zabaltzeko
"Zuetaz Harro” da 2024ko martxoaren 8ko Emakumeen Nazioarteko Egunaren kanpainaren leloa. Esaldi honekin batera doan leloak, “Ahaldundutako emakume bakoitzaren atzean ahalduntzera bultzatu duen beste emakume bat egon da”, emakume adinduek gazteenen ahalduntzean egindako ekarpena goraipatzen du, belaunaldien arteko harremanaren garrantzia bereziki azpimarratuz.
Ikastolan, aurrekoa kontutan hartuz, leloa eta aldarrikapenaren molkdaketa burutu dugu. Hori dela eta, aste honen hasieran Ikastolaren borobila kolore morez, eguzkilorez, poema batez, ikasleek aukeratutako emakume erreferentez, ...bete genuen. Gaur, martxoak 8, hainbat ekimen ere burutu ditugu:
- Irakasleak eta ikasleek zerbait morea ekarri dute soinean.
- Parekidetasun taldekoek Martxoaren 8ko manifestua irakurtzen aritu dira gela guztietan.
- HHn eta LH1-2n erreferentetzat hartutako emakumeari marrazkia eta esalditxoa egingo diote.
- LH3tik DBH4ra bitarte: aukeratutako emakumearen biografia, azalpena, esker oneko gutuna idatzi, ... lanketa egin.
Hemen borobilean Eguzkilorearekin batera irakurri eta hausnartzeko zintzilik izan dugun poema:
Haurra, heldua, gaztea
alaba, amona, ama
hiloba, izeba, koinata
amaginarreba, erraina.
Langile, zoro, adoretsua
sorgin indartsua,
pailazo umoretsua,
borrokalari bakezalea
laguna, kuttuna, emakumea
goimenditako haitz arteko
EGUZKILOREA!
