Tolosaldea Sahararekin taldeak bultzatuko duen kanpainarekin bat gatoz

Aurreko urteetan egin izan dugun bezala, Tolosaldea Sahararekin elkartearekin elkarlanean, datorren aste osoan zehar Saharako kanpalekuetara bidaltzeko material bilketa egingo dugu Ikastolan. Janaria ez ezik, pixa-ohialak, konpresak eta eskolarako materiala ere bilduko dira:

 - Janariak: lekaleak, hegaluzea eta sardinak oliotan, pasta, arroza, azukrea eta olioa.

 - Haurrentzako eta helduentzako pixa-oihalak.

 - Konpresak.

 - Eskola materiala: koadernoak, arkatzak, ezeztekoak, txorroskiloak...

Material bilketa egiteko kaxak izango dira Ikastolan, urtarrilaren 22tik otsailaren 2ra.

Ziur gaude aurten ere bestetan bezain eskuzabal jokatuko dugula. Mila esker guztioi!!