DBH3ko ikasleek Aniztasunetik Eraikiz proiektuari amaiera eman diote
DBH3ko ikasleek Aniztasunetik Eraikiz proiektuari amaiera eman diote
Aniztasunetik Eraikiz proiektuaren barruan, Gehitu eta Zehar Errefuxiatuak Elkarteekin batera elkarlanean, hainbat ekintza burutu dituzte DBH3ko ikasleek Gizarte ikasgaian giza eskubideen aldeko aldarrikapena eginez.
Hasteko, Ikastolako maila guztietatik pasa dira beraien proiektuaren berri emanez aurkezpenak egiteko.
DBH 3A gelakoek Zuloaga Txikira bisita egin dute Zehar Errefuxiatuak Elkarteak bertan egiten duen lana ezagutzeko. Horrez gain, herrian zehar errefuxiatuei ongi etorria emanez kartelak zintzilikatu dituzte.
DBH 3Bkoek, aldiz, Anoetako Plazan iturri ondoko eskailerak margotu dituzte LGTBIQ+ kolektiboaren koloreekin. Pintaketa lanetan ari direla herriko alkatearen bisita ere izan dute.
