Aste honetan Laskoraingo Batxilergoaren aurkezpena eta ikasle ohien esperientziak entzuteko parada izan dugu
Aste honetan Laskoraingo Batxilergoaren aurkezpena eta ikasle ohien esperientziak entzuteko parada izan dugu
Astelehenean bai familiek, bai DBH4ko ikasleek Tolosako Batxilegoaren eskaintza zehatza entzuteko aukera izan zuten bertatik etorritako Zuzendari Orokorra eta Batxilergoko Koordinatzailearen eskutik. Ibilbide ezberdinen xehetasunak azaltzeaz gain, aurrematrikularen urratsak ere komunikatu zituzten.
Asteartean, aldiz, gure ikasle ohien txanda izan zen. Horretarako Lanbide Heziketako eta Batxilergo modalitate ezberdinetako lekukotzak entzun zituzten. Bakoitzak nola bizi dituen ikasketa berriak, zertan den ezberdina etapa hori, zailtasunak, ... plazaratu zituzten. Gure ikasleek atentzio osoz jarraitu zituzten esplikazioak eta galderak egiteko aukera ere izan zuten.
Aurrekoari gehitu maiatzaren 2an Lanbide Heziketaren aurkezpena guraso eta ikasleentzat aurreikusita dagoela, Inmakulada Ikastolaren eskutik. Maiatzaren 5ean, berriz, Lanbide Heziketa eskaintzen duten Tolosako ikastetxeetara bisitak egingo dituzte ikasleek.
