Hizkuntzaren Lanketa Integralaren mintegia Ikastolan

Anoetako Herri Ikastola eta Laskorain Ikastolako DBH eta Batxilergoko irakasleok denok elkarrekin astearte arratsaldean Hizkuntzaren Trataera Integralaren 4.saioari ekin genion.

Lehenengo saioa eta azkeneko hau orokorrak izan dira, irakasle guztioi zuzenduak. Euskararen erabilera zuzena eta egokiaren inguruko hausnarketa eta sentsibilizazioa izan dute helburu eta denok batera aritu ginen. Ikastaroak bestelako bi saio ere izan ditu eta horiek, irakasgai edo arloen arabera eta modu espezifikoan antolatu dira. 

Oinarrian, euskaraz maila jasoan aritzeko hizkera akademikoan eta komunikatiboan jauzia eman behar dutela gure ikasleek azpimarratu da eta ondorioz, irakasleon eginkizuna horra bideratuta behar dela ere bai.  Hezkuntza proiektuan egin beharreko doiketak ezin dira alde batera utzi; arlo ezberdinetako irakasleok elkarrekin eta elkarlanean erabakiak hartu behar ditugu, euskara mailan benetazko jauzi kualitatiboa eman nahi badugu.

Euskarak aurrera egin dezan erronka honi ekiten ari gatzaizkio eta horrela jarraitzeko asmoa ere badugu.