Makilekin lurra joaz abestu genituen kopla zaharrak
Makilekin lurra joaz abestu genituen kopla zaharrak
Euskal Herriko ohitura zaharrari eutsiz, otsailaren 4an, Santa Ageda bezperako koplak abestu genituen Anoeta eta Irurako ikastoletako ikasle eta irakasleok bi herrietako kaleetan zehar.
Anoetako auzoetan abestu ondoren, Anoetako Herri Ikastolako ikasle zaharrenak Irurara joan ziren eta bertako ikasleekin bat egin zuten.
Ibilbidea Anoetako plazan amaitu zen, Ikastolako taldeari Kukuak kantuz taldekoak batu zitzaizkiolarik. Denon ahotsak elkartu genituen kopla zaharrak abesteko, makilekin lurra joaz koplaren erritmoa jarraitzen genuelarik.
Santa Ageda bezperako kantu eskea Euskal Herriko jai tradizionala da.
Santa Ageda bezpera 235 urtean Sizilian jaiotako Agata Cataniakoaren omenez ospatzen da, zeinari bularrak moztu zizkioten hango Kinziano gobernadorearekin ezkondu nahi ez izateagatik.
Euskal Herrian neguko solstizioko jaiekin loturik dago. Makilekin jotzen da lurra, neguaren bukaera eta naturaren esnatzea ospatzeko.
Argazki gehiago ikusteko hemen sakatu
