Adin ezberdinetako ikasleak elkarri laguntzen eta zoriontzen aritu dira
Adin ezberdinetako ikasleak elkarri laguntzen eta zoriontzen aritu dira
Bizikidetza Taldearen ardurapean, Gabonei ongi etorria eman diogu Ikastolan denok elkarrekin. Nagusiki bi ekintza aurrera eraman dira:
- Adin desberdinetako ikasleak elkarlanean aritu dira etxera eramateko eskulanak egiten. Ikasle zaharrenak beheko mailetara joan dira aldez aurretik prestatutako eskulanak egiten laguntzera. Ikasle txikienek oso ondo hartu dituzte zaharrenen aholkuak eta laguntzak eta ikasle zaharrenak, aldiz, oso motibatuta sentitu dira ekimenaren gidariak izaten.
- LH eta DBHko ikasleek aldez aurretik prestatutako Gabon abestiak eta bertsoak elkarri kantatu dizkiote. Ikastolako txoko guztietan sarri entzun ditugu Gabonetako doinu eta koplak, ondo pasatzeko asmoak eta hurrengo urteari gogoz ekiteko mezuak.
Lerro hauetatik Ikastola osatzen dugun guztion partetik Zorionak eta Urte Berri on!!!
