Sexune taldeko adituekin aritu dira Haur eta Lehen Hezkuntzako ikasleak
Sexune taldeko adituekin aritu dira Haur eta Lehen Hezkuntzako ikasleak
Anoetako eta Irurako Ikastolok ibilbide bat egina dugu dagoeneko Sexune Taldearekin, heziketa afektibo-sexuala eta hezkidetza gaiak modu integralean lantzen, ikasleekin, familiekin eta irakasleokin.
Ikasturte honetan lanketa horrekin jarraituko dugu, eta horren baitan, HH3, LH4 eta LH6ko ikasleentzako saioak izan ditugu, Sexune taldeko adituek gidatuta.
Haur Hezkuntzako haurrek eta Lehen Hezkuntzako gazteenek familia anitzen eta neska-mutil anitzen lanketa egiten dute, ipuinen bidez, oso modu ludikoan.
Seigarren mailako ikasleek, berriz, lanketa sakonagoa egiten dute. Guztira 6 orduko tailerra burutu dute Sexuneko adituekin, sexualitatea, desira eta erotika gaien lanketa aurrera eramanez. Ikasleek kezkak, egoera eta errealitate desberdinak partekatu dituzte, hauek ulertu eta bideratzeko moduak landuz.
