Ergoien auzoan kokatukotako Ikastolaren ondoko eremuan Anoetar guztientzako aisialdi eremu berria sortu nahi da.
Asialdi eremu honek ase behar dituen nahiak eta beharrak ezagutzeko prozesu parte-hartzailea abiatu da herrian. Prozesu honetan herritar guztien parte-hartzea errazteko eta bermatzeko, adinaren arabera taldekatu eta lanketa edo dinamika ezberdinak burutuko dira iritziak jaso ahal izateko.
- Ikastolako haur eta nerabeak: apirilaren azken astean eta maiatzeko lehenengoan 2-16 urte bitarteko haur eta nerabeekin egin dugu lanketa. Ikasleak eremura gerturatu dira, berau aztertu dute eta eremurako erabilerarako proposamenak egin dituzte tresna desberdinak erabiliz: txikienek artelanak, lehen hezkuntzakoeke planoak eta karteltxoak, eta zaharrenek, beraiek diseinatutako galdetegiak.
- Jubilatuak: maiatzaren 10ean, Ikastolako ikasle ordezkariek Ikastolan egindako lanketan jaso diren ikasle guztien proposamenak aurkeztu zizkien herriko jubilatuei. Ondoren, tartea izan zuten aisialdi eremurako beraien proposamenak plazaratzeko.
- Gazteak: maiatzaren 17an izango dute herriko gazteek beraien proposamenak eta ekarpenak egiteko txanda.
- Herritar guztientzako saio irekia: aurreko saio guztietan bildutako proposamenak bateratu ondoren, maiatzaren 24an azken ekarpenak egin ahal izango dira saio honetan.
Anima zaitezte aisialdi eremurako proposamenak jasotzeko saioetan parte hartzen!
