Joan den ikasturtean ikasleek bizikletak, patineteak eta skateak aparkatzeko leku egoki baten beharra plazaratu zuten DBHko Ikasle Kontseiluan.
Behar horri erantzun nahian, ikasturte honen hasieran bizikletak aparkatzeko bi eremu prestatu genituen. Horrez gain, aste honetan, Auditorioaren ondoko patio eremuan patinete eta skate aparkaleku berriak jarri ditugu. Aparkaleku hauek erabiltzeko ez da katerik behar, betiko giltzarrapo sinple bat nahikoa da patineteak nahiz skateak modu seguruan aparkatzeko.
Atxikitako irudian ikus dezakezue nola lotu daitezkeen giltzarrapo bidez patineteak nahiz skateak.
