Ikastolen Arteko Bertso Idatzien Txapelketa ospatu da eta gure ikasleek bertan, ikasturtean zehar ikasitakoa praktikara eraman dute
Ikastolen Arteko Bertso Idatzien Txapelketa ospatu da eta gure ikasleek bertan, ikasturtean zehar ikasitakoa praktikara eraman dute
Gaur goizean, martxoak 6, ostirala, LH6 mailako ikasleak Billabonan izan dira Ikastolen Arteko Bertso Idatzien Txapelketan.
Ikasturtean zehar, Amaia Agirrerekin, astean ordubetez bertsolaritza landu dute eta gaurkoan ikasitakoa plazan erakusteko parada izan dute. "Gaur nota onekin gustura zoaz etxera" gaiari erantzunez bi bertso edo lau kopla osatzeko lana izan dute. Ondoren, zuzeneko bertso saioa entzuteko aukera ere izan dute.
Lehiaketarekin ezin gusturago itzuli dira etxera, Ekhi Ayerbe ikaslea izan baita txapelduna. Jarraian dituzue txapeldunaren bertsoak:
Jarrai dezatela bertsolaritzaz gozatzen eta gozarazten ikasleek.
DOINUA: AI ZAPOTXIN!
Ikastolan guri notak eman
Gutxik aprobatu matematikan
Ikastolara noa
ezin egonean
Urdurigo egongo naiz
klasen nagonean
Irakasleak klasen
notak eman guri
Gela osoa dago
benetan urduri
Etxera bueltan noa
hamarrekoakin
Lagunekin hizketan
ta irrifar batekin
Etxean aitak ta amak
niri zoriondu
Ospatzeko nire amak
browniea egingo du
Ikastolan guri notak eman
Gutxik aprobatu matematikan (BIS)
