Tolosaldea Sahararekin elkartearen esku utzi dugu Ikastolan bildutako guztia
Urtero bezala mendebaldeko Saharako kanpalekuetara bidaltzeko janari eta material bilketa egin dugu Ikastolan. Gaur bukatu da kanpaina eta ikasle kontseiluko kideekin bildutakoa sailkatu eta Tolosaldea Sahararekin elkarteko kideei eman diegu. Laster Donostiako karabana solidarioan abiatuko da Gipuzkoan jasotako janari eta material guztia kanpalekuetara. Mila esker zuen ekarpenagatik!
