Ikasleen arteko elkarrizketetan euskarari eusteko kontzientziazio ariketan datza kanpaina
Soziolinguistika Klusterrak lan-munduan martxan jarritako egitasmoa da, azkeneko ikasturteetan Galtzaundik ikastetxeetan aurrera eramaten ari dena . Anoetako Herri Ikastolan hainbatetan parte hartu du eta oraingoan ere ikasleen baiezkoa tarteko, EUSLE kanpainari helduko diogu.
Gela bakoitzean ikasleen %20a (5 ikasle) EUSLE izendatuko dira. Eskola eremura sartzen direnetik irten arte ikasle horiek euskaraz egin beharko dute. Gaztelera eta euskara nahasten direnean, normalean, guztiek gazteleraz hitz egiten amaitzen dutenez, kide batek euskarari eusteak elkarrizketa euskarara irauli dezake.
