Ekosistema ezberdinak bertatik bertara ezagutzeko aukera izan zuten
Ekosistema ezberdinak bertatik bertara ezagutzeko aukera izan zuten
Lehen Hezkuntzako 5. mailako ikasleek, Irurako maila berdineko kideekin batera, ikasturte erdiko kidetzea burutzeko helburuarekin Pagoetako Natura Parkera gauzatu zuten irteera. Aia herriaren ondoan dagoen Iturraran Parketxera gerturatu ziren, ekosistema ezberdinak inguratzen dituzten ezaugarriak eta elementuak lantzeko asmoz.
Bertatik bertara, gelan ikasitakoa sakonago ezagutzeko eta lantzeko aukera izan zuten; landaretza ezagutuz, animaliak eta beraien aztarnak ikusiz edota putzu ezberdinak inguratzen dituzten elementu naturalak aztertuz ibili dira.
