Titirijai Jaialdiko hainbat emankizunetan egon ziren gure ikasleak
Titirijai Jaialdiko hainbat emankizunetan egon ziren gure ikasleak
Aste honetako asteartean, Tolosara gerturatu ziren LH 3tik LH6ra arteko ikasleak bertan ospatzen den Nazioarteko Txotxongilo Jaialdiaz gozatzeko asmoz. Aurten 40 urte bete ditu Titirijai Txotxongilo Jaialdiak.
Goizeko saioan, Kataluniatik etorritako "Mentira Cochina" ikuskizunak, gezurraren eta egiaren inguruko antzezlan ederra eskaini zieten. Bigarren saioan berriz, Leidor aretoan Michelle Caffagi italiarraren "Controvento" ikuskizunarekin eta xaboi ponpekin sortutako magiarekin liluratuta gelditu ziren ikasle guztiak.
Eguraldia lagun ez bazen ere, egun borobila igaro zuten, tartean Tolosako hainbat tokitatik ibiliz eta jolastuz.
