Euskal Jaia ospatu da Anoetan

Hamabosgarren urtez jarraian Anoetan Euskal Jaiak ospatu dira, aurtengo gaia elikadura sistema izan delarik. Goizean plaza postuz bete zen baserrietako produktuak eta artisauen eskulanekin. Gure DBH4ko ikasleek postu bat izan zuten bertan etxeetan egindako tortila patata pintxoak saltzeko. Arrakastatsua izan zen ekarritako guztia saldu egin baitzen. Ikasturte bukaeran egingo duten ikasbidairako bultzadatxoa jaso zuten.

Beste aldetik, berrikuntza bat ere izan du aurtengo edizioak; animaliak plazara jaitsi ordez, plazako leku hori transmisio gune bezala erabili dute, eta bertan, haurrei zuzendutako hainbat jolas prestatu dituzte. Horien artean gure DBH3ko ikasleek protagonismo berezia izan dute, jolas txoko bakoitzean ume txikiei laguntzen aritu baitira (aurpegiak margotzen, sagarrak kixkiaz hartu eta saskian sartzen,...). Ikastolako guraso boluntarioak ere aritu ziren antolaketan laguntzen.